He Kēhua o te Moutere o Ōshima

I te wiki kua pahure ake nei, kua mutu i ahau tāku aromatawai mō te karaehe o Te Ataarangi.

Ko te kaupapa matua o tēnei mahi ko te Mana Whenua.  Nō reira, i rangahau ahau i ngā mea o tōku rohe pēnei i ngā kīwaha me ngā pūrākau i roto i tōku rohe whenua.

Anei tōku rohe whenua.  

Ko Te Moana-nui-a-Kiwa e whakapapa pounamu ana kei runga.  Ko te maunga teitei o Ōyama e tū ana kei raro.  Ko te tāone nunui o Yokohama e hora ana kei te rāwhiti.  Ko te maunga hakakoikoi o Hakone e tū ana kei te uru.

E rua ngā tohu whenua o tōku rohe, arā, ko Fuji tētahi, ko te Moutere o Ōshima tētahi. 

Ko Fuji te tohu whenua tino rongonui o tōku rohe me ētahi atu rohe.  Koinei te maunga teitei rawa atu o Hapani.  He tino rite te āhua o tēnei maunga ki tō te Taranaki Maunga.

Ko te Moutere o Ōshima i Te Moana-nui-a-Kiwa tētahi atu tohu whenua o tōku rohe.  Ka kitea tēnei moutere mai i tātahi o tōku tāone, arā, ko Oiso.  Kei waenganui o tēnei moutere te puia moe.  I te tau 1981, i te wā e rima ōku tau, i hū ake tēnei maunga.  E maumahara ariari ana ahau ki te pahūtanga o tēnei maunga.  

Anei tētahi pūrākau e pā ana ki tēnei moutere.  

E whā rautau ki mua, i noho tētahi rangatira samurai i te Moutere o Ōshima.  He ariki tino tūkino ia.  I te 24 o Hānuere i te tau 1628, i whati e 25 ngā taiohi i tēnei moutere.  I toromi rātou katoa.  Nō reira, i tēnei rā tonu, ka noho ngā tānga katoa o tēnei moutere ki ō rātou kāinga i te 24 o Hānuere i ia tau, i ia tau ki te karo i ngā kēhua o ēnei taiohi.

He tikanga tino whanokē, nē hā?

Photo Credit

Official website of Hydrographic and Oceanographic Department, Japan Coast Guard (JHOD) , Attribution, via Wikimedia Commons