He Tuhinga Āhua Tōrangapū

 

E hia kē nei ngā mārama kua warewaretia te rangitaki nei?  Mō tōku hē, heoi, kei konei tonu au, e hoa mā!

Ko tōku tūmanako e ora ana koutou katoa i ngā āhuatanga o te wā.

Nā, e whakamōhio atu ana ahau kua whakahoungia tōku hiringa kia whakawhanaketia tonutia tōku reo i ia rā, i ia rā mō te toenga o te tau ahakoa kua mutu te marama o Mahuru Māori i tērā marama. 

E pōuri ana tōku ngākau ki te hua o te pōtitake ('referendum' e ai ki Paekupu) e hāngai ana ki ngā iwi taketake o Ahitereiria.  E hinapōuri ana hoki ahau ki te kāwanatanga hōu me ētahi kaitōrangapū pōrangi e kōrero ana kia whakakorengia Te Tiriti o Waitangi.  Te mutunga mai o te hē ō rātou whakaaro.  Ko te tiriti te tūāpapa o te whenua nei- ko Ngāi Māori anake ngā tāngata whenua tūturu mārika o Aotearoa, ā, kei a rātou te Mana Motuhake.

Mēnā he tangata pānui Māori koe, ākene pea, ka tautoko koe ki tāku tirohanga 😊   

Ki te hāpai tonu i ngā mea tino whakahirahira o te whenua nei, pēnei i te Tiriti, i Te Reo Rangatira, i te Mana Motuhake o te Tangata Whenua, anei tāku ātetenga ki te haere tonu ki tēnei haerenga reo Māori.

Kāti, ehara tēnei i te rangitaki tōrangapū, ā, ka tuhi ahau i ngā mea harikoa ake i tēnei āpōpō!

Ka kite au i a koutou!